Autoritetet e Maqedonisë së Veriut presin një qeveri të qëndrueshme në Bullgari me të cilën mund të fillohet dialogu. Shefi i diplomacisë Timço Mucunski dëshiron që kjo të ndodhë sa më shpejt.
Mucunksi thotë se ka mënyrë se si të arrihet siguri për shtetin tonë, se rruga e RMV-së drejt BE-së do të bazohet në kritere të matshme dhe standarde dhe se nuk do të bëhet dypalëshe.
Sipas Mucunskit, plani i autoriteteve vendase tashmë është i njohur për opinionin. Nga ajo që është ndarë deri më tani me publikun, me shumë gjasa bëhet fjalë për idenë e ndryshimeve kushtetuese me prapaveprim. Domethënë, futja e bullgarëve në Kushtetutë të votohet menjëherë, por të jetë e vlefshme pasi Maqedonia bëhet anëtare e Unionit.
Nga ana tjetër, kreu i BDI-së, Ali Ahmeti, ka rikujtuar koalicionin VLEN për afatet për ndryshimet kushtetuese. Kjo ishte tema e takimit të Ahmetit me ambasadorin bullgar Angell Angellov.
Nga VLEN u përgjigjën se çelësin e kanë deputetët maqedonas.
Paraprakisht nga VLEN thoshin se do ta rishqyrtojnë pjesëmarrjen e tyre në qeveri nëse nuk ka ndryshime kushtetuese në 6 muajt e parë të qeverisë së re, por së fundmi thanë se për 6 muaj do të ulen për të biseduar për çështjen e ndryshimeve kushtetuese pa theksuar nëse do të dalin nga qeveria.