Shkarkimi i Kocevskit do të zgjasë me javë?! LSDM akuzon për partizim, VMRO-DPMNE kundër “bllokimit” të lëndëve

Pushteti pret që procedura për shkarkimin e kryeprokruorit, Lupço Kocevski të zgjasë disa javë. Prej atje theksuan se ai si kryeprokuror është përgjegjës për joefikasitetin e lëndëve, por edhe se në mënyrë joligjore ka emëruar të parin e Prokurorisë së Lartë. Para disa kohësh kryeministri Hristijan Mickoski tha se Kocevski ka pasur kohë të që dëshmohet, ndërsa nga opozita akuzuan për sulm të pushtetit në sistemin gjyqësor.

“Këtë që e shohim, që e bën qeveria, është një partizim flagrant, andaj thërrasim që politika t’i heqë duart nga gjyqësori dhe të shihen hapa seriozë se po punohet për reforma serioze në gjyqësor”, tha Bogdanka Kuzeska.
Nga pushteti u përgjigjën se opozita e mbron gjyqësorin e korruptuar për shkak se u ka lejuar që të mos përgjigjen për krimet e bëra.

“Duhen reforma reale në gjyqësor dhe në prokurori. Me kuadrot e LSD-së dhe BDI-së në gjyqësor dhe në prokurori, të cilët presin të vijë ndonjë lëndë kundër shefeve të tyre që ta hedhin poshtë ose ta bllokojnë, nuk ndërtohet besim në gjyqësor dhe në prokurori”, deklaroi Mile Lefkov.

Propozimi për shkarkim duhet t’i dërgohet Këshillit të prokurorëve prej ku theksuan se do të japin mendim brenda 15 ditëve. Kocevski tha se vetë do të japë dorëheqje nëse konstatohet se ka bërë shkelje të rëndë disiplinore, por pohon se ka punuar sipas ligjit. Kryeprokurori shkarkohet me 61 vota në Kuvend. Tani për tani përfaqësuesit e qeverisë nuk flasin për emrin e pasardhësit të Kocevskit, por presin që ai ta luftojë krimin pa kompromis.