SHKA “Xheladin Zeqiri” organizon koncert për 15 vjetorin e karrierës së Elita Ziberit

TË FUNDIT

Shoqëria Kulturore Artistike “Xheladin Zeqiri” do të organizojë koncert për 15 vjetorin e karrierës së këngëtares nga Tetova Elita Ziberi. Këtë informacion e bëri të ditur në emisionin “Pastel” në TV21, Jeton Pustina.

Pustina gjatë emisionit kujtoi edhe momentin e parë kur e ka dëgjuar duke kënduar Elitën.

“Elita është rritur në shoqërinë tonë. Unë kam qenë kujdestar klase dhe shoqet e Elitës më tregonin se kjo vajza këndon shumë bukur por unë nuk e kisha dëgjuar, e dija se është vajza e solistit Arifi Arifi, por nuk e kisha dëgjuar duke kënduar. Përshtypja ime e parë ishte se Elita është fantastike në këndim dhe e ftova në SHKASH “Xheladin Zeqiri” por ajo ishte si me droje sikur nuk deshte të dal në skenë, por artistin njëherë nxjerre në skenë dhe vetë nuk do të dëshirojë të dalë. Elita tash e 15 vite është aktive në SHASHK “Xheladin Zeqiri”, tha Jeton Pustina.