SHBA me akuza për Rusinë për eksperimentim me armë bërthamore

SHBA-ja mendon se Rusia ka kryer eksperimente të lidhura me armën bërthamore, që ka shkaktuar lëshimin e energjisë bërthamore, theksohet në një raport të Departamentit të Shtetit, që i është dorëzuar Kongresit amerikan.

Departamenti i Shtetit, në të njëjtën kohë, theksoi që nuk ka asnjë informacion për atë që Rusia po kryente eksperimente të tilla në vitin 2019.

“Ekziston një mundësi që Rusia të kryejë hulumtime duke lëshuar energji bërthamore nga kontejnerët për eksplozivë. Kjo ngjall shqetësime për shkak të detyrimeve të Rusisë për t’i informuar ata në përputhje me marrëveshjen”, theksoi resori politik i jashtëm i politikës amerikane.

Në dokument, gjithashtu, shprehet shqetësimi se Moska mund të mos e respektojë detyrimin e saj për ta informuar Uashingtonin për eksperimentet bërthamore, në përputhje me Marrëveshjen e vitit 1974 për Kufizimin e forcës së testeve bërthamore nëntokësore midis Bashkimit Sovjetik të atëhershëm dhe SHBA-së, transmetojnë mediat ruse.

SHBA, në të njëjtën kohë, nuk e akuzon Rusinë për shkeljen e marrëveshjes.

Qëndrimi i Departamentit të Shtetit është që Moska duhet ta informojë Uashingtonin për eksperimente të tilla, në mënyrë që pala amerikane të mund ta verifikojë më pas hetimin në lidhje me protokollin e marrëveshjes.

Rusia deri më tani nuk e komentoi raportin e përmendur./MIA