Kina sot kumtoi se e respekton moratoriumin për teste bërthamore, pasi që Departamenti amerikan i Shtetit sugjeroi se Kina ndoshta ka kryer test të fshehtë nëntokësor bërthamor të nivelit të lartë.
Zëdhënësi i Ministrisë së Punëve të Jashtme, Zhao Lian, tha se Kina në mënyrë aktive i përmbushë obligimet e veta në suaza të marrëveshjeve për kontroll të armatimit dhe se ndaj akuzave të rrejshme nga SHBA-ja nuk vlen të përgjigjet.
Akuzat për një test bërthamor kinez, të cilat për herë të parë i publikoi “Uollstrit xhurnall” mund t’i përkeqësojnë marrëdhëniet edhe ashtu të tensionuara për shkak të akuzave amerikane ndaj Pekinit për përhapje të pandemisë globale të Kovid-19, vlerësojnë mediumet britanike./MIA