-E tërë kjo që u përcoll në opinion, janë shpifje të pastra të cilat tentojnë të dëmtojnë reputacionin tim personal, familjar dhe profesional, tha mjeku Zekirija Shaini, në lidhje me njoftimet fillestare të autoriteteve për përfshirje të mundshme të bashkëshortes së tij në incidentin e armatosur në Kumanovë, ku mbeti i plagosur Shaini, përcjell TV21.Shaini tha se prapa atentatit nuk qëndron bashkëshortja e tij.
“Tërësisht i hedh të pabaza dhe të pavërteta pretendimet se pas këtij akti qëndron, zonja ime, Arjeta Adili. Andaj urgjentisht kërkoj nga organet hetuese që të sqarojnë situatën rreth zonjës time të përfshirë në këtë rast nga ana e tyre”, tha mes tjerash Shaini./tv21.tv