“Fillimisht formën e maja duke u stërvitur vazhdimisht me vrapim. Jam marr me ushtrime fizike, ushtrime trupore. Jam stërvitur në ambiente të ndryshme”, u shpreh Hixhret Rushiti.
Kështu i ka kaluar stërvitjet në kushte shtëpiake futbollisti Hixhret Rushiti.
Ai luan për ekipin e dytë Vardarit.
E kur nuk kishte orë policore, dilte për vrapim në ambient të hapur.
Thotë se si futbollist në kushte karantine ishte e rëndë për të mbajtur formën.
Por sot e ka më lehtë.
Ai stërvitjet i bënë në njërën prej fushave të futbollit në vend në ambient të hapur.
“Tani është më lehtë, siç mund të shihni edhe ju tani mundemi edhe në ambiente të hapura të ushtrojmë”, tha Hixhret Rushiti.
Hixhreti është 19 vjeçar. Thotë se ka oferta nga klube të ndryshme të ligës së parë të Maqedonisë.
Pozicioni i tij në fushë është sulmues krahu.
Dëshira më e madhe e tij është, kyçja në majat e futbollit.
“Dëshira ime më e madhe është të luaj në Premier Ligën Angleze. Kjo është ëndrra ime, me arrit majat e suksesit në futboll”, deklaroi Hixhret Rushiti.
Ndryshe për shkak të pandemisë, futbolli në Maqedoninë e Veriut është ndërprerë, ndërsa në momentin e ndërprerjes Vardari ka qenë i pari në tabelën e klasifikimit.