Sela: Prehu në paqe miku i madh i shqiptarëve!

TË FUNDIT

Mik të madh të shqiptarëve e ka vlerësuar lideri i Aleancës për Shqiptarët, Ziadin Selën senatorin amerikan tashmë të ndjerë, Bob Dole.

Sela tha se Dole e donte dhe e ndihmonte lirinë dhe barazinë e popujve, prandaj, siç shton, do të mbetet gjithmonë në kujtimet e tij.

“Senatori amerikan, Bob Dole, njeriu që e donte dhe ndihmonte lirinë dhe barazinë e popujve, do të mbetet gjithmonë në kujtimet dhe zemrat tona. Mirënjohës përjetësisht për kontributin e tij, në sfidat e kombit tonë për liri dhe zhvillim. Prehu në paqe miku i madh i shqiptarëve!”, shkroi Sela në Facebook, transmeton TV21.

Ish-senatori amerikan, Bob Dole, vdiq të dielën në moshën 98-vjeçare nga kanceri në mushkëri. Çerek shekulli kaloi në Senatin amerikan, ku, për disa vite ka shërbyer si udhëheqës i shumicës. Në vitin 1996 ka qenë kandidat i Partisë Republikane për president të SHBA-së, ndërkaq në vitin 1990, Dole ka udhëhequr një delegacion të SHBA-së në Kosovë. Në gusht të vitit 2020, për nder të angazhimit të tij për Kosovën, busti i tij është ​vendosur në Prishtinë./TV21