Sela kërkon drejtësi për Feta Alimin! Kryeministri me nishane nga sulmi në Kuvend

Nishanet e mia në fytyrë dëshmojnë se çfarë ka ndodhur në Kuvend para 4 viteve. Kështu po e kujton kryeministri Zaev 4 vjetorin e ngjarjes në Kuvend, kur qindra protestues nga iniciativa “Për Maqedoni të përbashkët” hyrën në Kuvend, pasi u zgjodh për kryetar të Kuvendit Talat Xhaferi.

 “Përgjigjen e kësaj do ta filloj me nishanet që i kam, pasi që jam njëri prej pjesëmarrësve të ngjarjes së padëshiruar 27 prill 2018. Po dërgoj mesazh që asnjëherë më mos të përsëritet. 2 orë e 15 minuta, çdo sekond unë dhe kolëgët deputet dhe gazetarët përreth neve prisnin që ta humbin jetën”, theksoi Zoran Zaev – kryeministër i Maqedonisë së Veriut. 

Protestuesit sulmuan deputet, gazetarë, kameraman, fotoreporterë. Në video mund të shiheshin deputet të përgjakur e të lënduar.

Ai që u lëndua më shumë ishte deputeti Ziadin Sela, kryetar i Aleancës për Shqiptarët. Për ta kujtuar këtë ditë Sela ka vizituar në burgun e Idrizovës shpëtimtarin e tij Abdylfeta Alimin. Ai u dënua nga gjykata pasi që nuk ka kryer punën e tij. Por Sela këmbëngul se Alimi qëndron në burg padrejtësisht.

 “Mendova që forma më e mirë për ta kujtuar 27 prillin është të vi dhe t’i bëj një vizitë Fetahit. Biseduam është mirë dhe është i fortë. Vizitova një nga pafajshmit që qëndron këtu në burg padrejtësisht. Ka plot fajtor të vërtetë që janë jashtë”, u shpreh Ziadin Sela – kryetar i Aleancës për Shqiptarët.

Gjykata Penale e Shkupit ka dënuar me gjithsej 211 vjet burg 16 të akuzuarit të cilët janë shpallur fajtor për veprën penale “rrezikim terrorist të rendit kushtetues dhe sigurisë”. Në mesin të dënuarve është ish-ministri i Punëve të Brendshme Mitko Çavkov me 18 vjet burg.

Nga gjithë të akuzuarit vetëm Igor Durllovski ish-drejtor i Teatrit të Operës dhe Baletit është shpallur i pafajshëm, i cili para disa ditëve protestoi për lirimin e të burgosurve. Sot para Kuvendit mbështetësit e kësaj iniciative kërkuan që të ketë rigjykim të procesit.

 “Të gjykohet në mënyrë të drejt. Ai që ka gabuar ta merr dënimin e merituar, në qoftë se është i manipuluar le të merret parasysh. Bëhet fjalë për 211 vjet burg, për 211 jetë njerëzore, 20 familje janë të prekur. Duhet të ketë drejtësi me rigjykimin”, shtoi Boris Damovski – Iniciativa për Maqedoni të përbashkët.

E për protestat e organizuara për lirimin e sulmuesve në Kuvend, Zaev i quajti jashtë mendjes së shëndoshë.

 “Me vërtetë kjo është jashtë mendjes së shëndoshë”, shtoi Zaev.

Edhe gazetarët të cilët ishin në krye të detyrës pësuan keq. Disa me lëndime të rënda turpore e disa dhunë psiqike. Gazetarët kërkuan dëmshpërblim nga shteti për shkeljen mbi të drejtën e lirisë dhe shprehjes atë ditë, por gjykata themelore civile në Shkup refuzoi kërkesat paditëse të gazetarëve.