Sela: Avokati i Popullit i takon opozitës! BDI dhe Besa s’kanë informacione se do të jetë Naser Zyberi

TË FUNDIT

Kryeministri shqiptar nuk do të bëhet dhe Avokati i Popullit duhet t’i takojë opozitës, kështu ka komentuar lideri i Aleancës për Shqiptarët, Ziadin Sela ndarjet e funksioneve që vijnë si rezultat nga koalicioni qeverisës Lidhja Socialdemorkate e Maqedonisë dhe Bashkimi Demokratik për Integrim.

“Çështja kryeministri? Është rezultat i një minimumi prej 61 deputetësh. Në momentin e parë që do të zgjidhet një vendim që nuk do të ju pëlqejë këtyre tjerëve, a do të jetë më kryeministër? S’do jetë. Prandaj njerëz kukulla nuk na duhen. Njerëz manipulator që zgjedhin me dikë me emër e mbiemër për kryeministër dhe tash dali, shohim në media, do e zgjidhkan Avokat të Popullit? Po a? A jo. Opozitës i takon avokati i popullit”, tha Ziadin Sela – Lider i Aleancës për shqiptarët.

Deputeti i Bashkimit Demokratik për Integrim, Arben Zyberi nuk ka informacione se xhaxhai i tij i cili ishte kandidat mbipartiak për kryeministër të parë shqiptar, Naser Zyberi do të jetë Avokat i Popullit.

“Nuk kam unë ashtu informacione. Por, do të njoftoheni me kohë. Për çdo të re që do të ketë, do të informoheni në kohë”, deklaroi Arben Zyberi – Deputet i BDI-së.


Nga partneri i koalicionit, Lëvizja BESA nuk kanë koment.
“Si i komentoni zërat se zotëri Zyberi do të bëhet Avokat i Popullit? A jeni të mendimit se e meriton?
Nuk kam koment”.


Avokati i popullit zgjidhet çdo tetë vjet me të drejtë rizgjedhje. Për emërimin e tij duhet votim prej badenteri. “Zgjedhjen dhe shkarkimin e Avokatit të Popullit dhe zëvendësve të tij bëhet me shumicën e votës së numri i përgjithshëm i deputetëve ku duhet të ketë shumicë të votave prej numrit të përgjithshëm të deputetëve të cilët i takojnë komuniteteve që nuk janë shumicë në Maqedoninë e Veriut”, thonw nga Avokati i Popullit.

Ixhet Memetit mandati në postin e Avokatit të Popullit i skadon në dhjetor të këtij viti, ndërsa zërat se Naser Zyberi do të jetë pasuesi i tij as nuk i kanë konfirmuar dhe as nuk i kanë demantuar partitë e koalicionit, LSDM dhe BDI.

error: Content is protected !!