Sela: Arratisja dhe rishfaqja e Mijallkovit skenar i Qeverisë

Kryetari Aleancës për Shqiptarët, Zijadin Sela në konferencën e sotme për media ka komentuar “arratisjen” dhe “rishfaqjen” e ish kreut të DSK-së Sasho Mijallkov. Sela tha se ngjarjet e fundit dëshmojnë skenarët mes Zoran Zaevit dhe Sasho Mijallkovit.

“Më skandalozja është vendimi, Sasho Mijallkov sërish është në paraburgim shtëpiak. Kjo dëshmon skenarët mes Zoran Zaevit dhe Sasho Mijallkovit. Skeanre të cilat unë ua kam thënë kur më keni pyetur se si mund të paralajmëroni koalicion me VMRO-DPMNE-në duke i marrë parasysh ngjarjet e 27 prillit. Kam thënë se të gjithë akterët që bënë skenare të tilla me 27 prill, sot janë me qeverinë, ja dëshmia”, pohoi Sela.