Kryetari i Kuvendit Talat Xhaferi seancën për ndryshimet kushtetuese e caktoi për më 18 gusht. Por a iu prishën planet e pushimeve deputetëve, pasi si zakonisht ata çdo vit në muajin gusht shfrytëzojnë pushimin vjetor?
“Si do ja bëni këtë vit me pushimet vjetore, me qenëse ndryshimet kushtetuese janë caktuar me datë 18 Gusht?- tha Rina Ajdari – Deputete BDI.
Mendoj se do ta lëmë për në shtator. Pak më tutje sepse prioritet e kemi këtë dhe duhet të përfundoj kjo.
-A ua ka prishur palnet e pushimeve?
Jo aspak, aspak. Gjithëçka menaxhohet.
“Jo, gjithsesi domethënë ne jemi këtu në shërbim të qytetarëve. Kur do të ketë kohë do të shkojmë në pushime.”- pohoi Ljubica Spasova – Deputete LSDM.
“S’kemi asnjë plan. Do të qëndrojmë këtu deri sa të jetë nevoja.”- tha Eli Panova – Deputete e VMRO-DPMNE.
“Tani data e caktuar thash unë, nuk është një risi për mua personalisht në privatësinë timë. Sepse 5-6 vitet e fundit edhe ashtu nuk kemi bërë planifikime më përpara për pushime. Për atë pushimët vjetore kanë ardhur spontanisht. Kemi shkuar me familjen, me fëmijët me bashkëshorten por kanë qenë spontanisht. Sot për nesër ose sot pas dy ditëve, por kemi shkuar në fqinjësitë tanë natyrisht.
-Pra data 18të nuk luan ndonjë rol?
Jo, jo nuk luan rol. Vera është e gjatë ja.”-tha Halil Snopçe – Deputet i ASH.
“Do të jem në Shkup dhe 10, 20 vite praktikisht nuk shfrytëzoj pushime vjetore. Mundet ndonjë ëeekend diku të shkohet.
-A ua prishi planet, apo s’kishit?
Absolutisht jo.”- tha Pavle Trajanov – Deputet/Kryetar i Lidhjes Demokratike.
“Çfarë të bëjmë, zakonisht ka qenë pas dy gushtit, për të pasur njëzet ditë pushim kolektiv. Tani në interes të vetë procesit për të sjellur ndryshimet kushtetuese, vet ndërhyrja në kushtetutë. Do të jemi plotësisht të inkuadruar në punën në Parlament. Unë personalisht si deputet i LSDM, jam edhe pjesë e komisionit për çështjë kushtetuese. Tashmë nga e marta fillojmë më punë dhe do të jemi maksimalisht të përkushtuar dhe po të mos kemi pushim këtë vit s’do të jetë asgjë e madhe.”- tha Martin Kostovski – Deputet i LSDM.
“Do të punojmë.
-A ua prishi planet?
Jo sepse ishim në dijeni për këtë punë.”- deklaroi Bedri Fazli – deputet BDI.
Ndërsa mendimet ishin të ndara në atë se a do të sigurohet 2/3 e votave gjegjësisht 80 deputet në Kuvend për ndryshimet kushtetuese apo jo.
“Këtu do të jemi do të diskutojmë për ndryshimet kushtetuese dhe do të shikojmë se si do të prenoncohen deputetët, por përllogaritjet e para janë se nuk kemi shumicë për ndryshime kushtetuese.”- tha Pavle Trajanov – Deputet/Kryetar i Lidhjes Demokratike.
“Shpresoj, shpresoj. Me që këtë shpesh e themi, kjo nuk është luftë për një parti politike apo për një karrierë apo strukturë politike. Përkundrazi luftë për shtet, gjithkush ka përgjegjsi, shpresoj që përfundimisht numri më i madh i VMRO-DPMNE do të kthjellohet dhe do të votoj pro.”- tha Martin Kostovski – Deputet i LSDM
Ndryshe, integrimi i vendit varet pikërisht nga ndryshimet kushtetuese. Tani për tani ende nuk dihet nëse kuvendi do të sigurojë 2/3 e votave të nevojshme për ta kaluar këtë proces.