Sekretari i Përgjithshëm i NATO-s, Mark Rutte, deklaroi se presidenti amerikan Donald Trump është “qartësisht i zhgënjyer” me disa vende anëtare të aleancës transatlantike, gjatë takimit të djeshëm në Shtëpinë e Bardhë, raportoi DPA.
Në një intervistë për CNN, Rutte i përshkroi bisedimet si një diskutim i hapur mes “dy miqve të mirë”, por nuk zbuloi nëse është diskutuar për një tërheqje të mundshme të SHBA-ve nga NATO.
NATO Secretary General Mark Rutte joined The Lead just moments after his White House meeting with President Trump and described the conversation as a ‘very frank, very open’ discussion and said President Trump is 'clearly disappointed' with NATO allies pic.twitter.com/abuhHFn1Ug
— The Lead CNN (@TheLeadCNN) April 8, 2026
Ndërkohë, Trump në platformën e tij Truth Social shkroi: “NATO NUK ISHTE ATJE KUR NA DUHEJ, DHE NUK DO TË JETË ATJE NËSE NA DUHET SËRISH”.
Presidenti amerikan shtoi se aleatët duhet të kujtojnë Greenland, të cilin e përshkroi si “NJË PJESË E MADHE AKULLI, E KEQMENAXHUAR”.
Pasi më herët gjatë këtij viti Trump kërcënoi sërish me një aneksim të mundshëm të Greenlandit, një territor danez me rëndësi strategjike, marrëdhëniet mes Evropës dhe SHBA-ve janë tensionuar, kujton DPA.
Në ditët e fundit, komentet e Trump kanë shkaktuar shqetësim për një dalje të mundshme të SHBA-ve nga NATO, për shkak të kritikave të tij ndaj asaj që ai e konsideron si mbështetje të pamjaftueshme nga partnerët e Aleancës për konfliktin në Iran.
Çdo tërheqje do të kërkonte një shumicë prej dy të tretash në Senatin e SHBA-ve, gjë që konsiderohet shumë pak e mundshme.
Rutte gjithashtu zbuti kritikat nga partnerët e Aleancës për veprimet e Trump ndaj Iranit, duke thënë se mes aleatëve nuk mbizotëron mendimi se konflikti është i paligjshëm sipas së drejtës ndërkombëtare.
Në fund, Rutte theksoi për CNN se NATO vazhdimisht mban qëndrimin se për stabilitetin është thelbësore dobësimi i kapaciteteve bërthamore dhe programit të raketave balistike të Iranit, raporton DPA.