Rruga e Shkupit dhe Tiranës mund të ndahet! Varheji pohon se pakoja mund të ndahet nëse nuk ka zgjidhje për RMV

TË FUNDIT

Ka shanse që Maqedonia e Veriut dhe Shqipëria të ndahen në rrugën e tyre eurointegruese. Nëse nuk gjendet zgjidhje mes Shkupi dhe Sofjes për çështjet historike, eurokomisioneri për zgjerimin Oliver Varheji, konfirmon se mund të merret parasysh opsioni i ndarjes së pakos Shkup-Tiranë.

“Ky proces bazohet në merita dhe nëse shohim në arritjet e Shqipërisë, shoh se ata kanë plotësuar të gjitha kushtet. Kështu që nëse nuk ka asnjë marrëveshje në lidhje me Maqedoninë e Veriut, ndoshta do të vijë momenti kur ne do të duhet ta marrim parasysh këtë opsion”, u shpreh eurokomisioneri.

Varheji shpreson që të mos vihet deri në këtë pikë, por tregoi se për këtë çështje kanë folur edhe me Kryeministrin Zoran Zaev dhe janë pajtuar se duhet bërë përparim për të dyja shtetet.

“Është e vështirë të mos flasëash për dramë pas një vetoje. Vetë vetoja është dramë. Ajo për të cilën po punojmë tani është kthimi në normalitet, kjo do me thënë arritje e marrëveshjes. Marrëveshje që të mund të mbajmë mbledhjene  parë ndërqeveritare me të dyja shtetet”, tha Varheji, përcjell tv21.tv

Ministrja e Austrisë për Evropën, Karoline Edshtadler, thotë se Maqedonia e Veriut ka bërë shumë për të arritur këtu ku është, andaj meriton hapin e radhës.

“Shpresoj se do të hiqet dorë nga bllokada, e nga ana tjetër, sa mund ta kuptoj Maqedoninë e Veriut, më duhet të them se të dyja vendet duhet të qëndrojnë në tavolinë dhe të vazhdojnë negociatat”, pohoi Ministrja e Austrisë për Evropën, Karoline Edshtadler,

Edshtadler siguroi në përpjekjet e Austrisë për tempo më të shpejtë për procesin e aderimit, sepse siç shtoi, Bashkimi Evrpopian është duke humbur kohë, para dhe persipektivën, gjë që nuk e dëshiron askush sepse siç përfundoi, shtetet e Ballkanit Perëndimor janë çështje sigurie për Basjkimin Evropian./TV21