Të paktën 11 civilë u vranë dhe 34 u plagosën kur një kamion që i transportonte ata goditi një minë buzë rrugës në Sirinë jugore, kumtoi një organizatë joqeveritare siriane.
Sipas Observatorit Sirian për të Drejtat e Njeriut, të vdekurit përfshijnë tre gra dhe pesë fëmijë nën moshën 16 vjeç.
Që nga fillimi i vitit 2022, gjithsej 124 persona janë vrarë nga minat tokësore.
Minat në fusha, pranë rrugëve dhe ndërtesave të ngritura gjatë luftës në Siri kanë vrarë qindra civilë dhe kanë plagosur mijëra të tjerë vitet e fundit.