Rinia shembull për politikanët/ Debat konstruktiv për Këshillin e Tetovës në TV21

Rinia e Tetovës dha shembull se si duhet të jenë raportet midis kundërshtarëve politik. Ata përpara debatit politik në TV21 u ulën të gjithë sëbashku për të pirë kafe me njëri tjetrin.

Secili nga kandidatët bëri premtimet në të cilat mbështeten për të fituar besimin e qytetarëve.

“Ne mendojmë që do të jemi çelësi i shumicës së ardhëshme të këshillit komunal. Apelojmë që qytetarët e Tëtovës banorët e Tëtovës, ta votojnë listën e Alternativës. Për shkak se Tetova meriton më mirë, meriton më shumë, meriton respekt dhe Tetova ka alternativë.”- tha Faton Selami – AAA.

“Ne pretendojmë të marrim një numër të konsiderueshëm të këshilltarëve, me mundësi që të jemi pjesë e shumicës në këshill. Me atë rast do të kemi më shumë investime në Tetovë ku qeveria do të investon dhe me këtë qytetarët faktikisht do ta ndëshkojnë kryetarin aktual pasi që ai iu premtoi shumë qytetarëve dhe nuk arriti ta realizoj asnje premtim.”- pohoi Visar Palloshi  – PDSH.

“Ne premtojmë që do të sigurojmë një transparencë maksimale dhe do të mundohemi maksimalisht që të jemi zëri i nevojës së qytetarëve brenda në këshill. Që nevoja e qytetarëve të vendoset në prioritet dhe ajo pastaj të mund të planifikohet në buxhet. Flasim për gjëra reale dhe për rezultate momentale që shifen.”- tha Elmedina Abdullahi –Më Mirë për Tetovën.

“Ne do të jemi faktor për ta krijuar këshillin dhe asesi nuk do të hyjmë që këto vite që kanë mbetur mandat të kryetarit të komunës, Tetova të bllokohet, por asesi të vazhdoj kështu dhe të riktheht BDI-zmi në komunën e Tetovës. Kështu që ne do të jemi faktor, mbështetës dhe uroj që qytetarët të dalin masovikisht në zgjedhjet e të shtunës.”- deklaroi Abdulla Osmani – ASH.

“Me kapacitetin njerzor që e kemi kadrovik, mendoj se do të jemi në shërbim të komunës, në shërbim të qytetarëve, me të vetmin qëllim të bëjmë kushtë pëe jetë më cilësore për bashkëqytetarët tanë.”- tha Faton Ahmeti – BDI.

“Ne kërkojmë një shumicë stabile  që të mund të funksionojmë që të gjithë ato punë të mira të cilat i kemi nisur t’i përfundojmë. Jo për të dominuar por për të punuar të gjitha projektet të cilat janë nga ana e Kryetarit të Komunës për të mirën e qytetit të mund të funksionoj lirshëm.”- pohoi Besar Durmishi – Lëvizja Besa.

E në fund fare pas debatit konstruktiv, kandidatët përsëri u ulën për të pirë kafe sëbashku.

Kujtojmë se nesër është heshtje parazgjedhore dhe se të shtunën qytetarët e Tetovës votojnë për këshillin komunal të tyre.