Riaktualizohet Ligji për Branitellat! FE i bëri thirrje Gashit të mos hapë rrugën për debllokimin e ligjit

Dështoi përpjekja e kryeparlamentarit Afrim Gashi për të debllokuar punën në Komisionin për politikë sociale, puna e të cilit ngeci pasi që LSDM në rend të ditës propozoi që të vendoset propozimi për Ligjin për branitellat. Pasi që Ilire Dauti, propozimin nuk e vendosi në rend të ditës u largua nga posti i kryetares së Komisionit, Gashi vendosi që me komisionin të kryesojë një deputet tjetër i Frontit Europian, Bejxhan Ilas.

“Sot deri te Kabineti i kryetarit arriti letër nga koordinatori i Frontit Europian se deputeti BejxhanIlas do të mungojë në të gjithë aktivitetet në Kuvend. Takimi që Komisioni për politikë sociale, demografi dhe të rinj duhej ta mbajë sotnë orën 11 e 30, u prolongua”, thotë kabineti i Afrim Gashit.

Deputeti i Frontit europian, ElmiAziri, i bëri thirrje Gashit të shfuqizojë interpelancën e Ilire Dautit dhe ta kthej në postin e kryetares së Komisionit, nëse me të vërtetë dëshiron që të debllokojë punën. Ai shton se ata nuk do të pranojnë propozim tjetër.

“Tentativa e sotme për të thirrur mbledhje të Komisionit për Politikë Sociale konfirmon pikërisht atë që ne e paralajmëruam që në fillim, se shkarkimi i Ilire Dautit nga shumica parlamentare, me propozim të vendosur në rend dite nga Afrim Gashi, ka për qëllim t’i hap rrugën debllokimit të Ligjit për Branitella, andaj sot i bëjmë thirrje që të kthjellet dhe të tërhiqet nga këto skenare”, tha Afrim Gashi

Nga VMRO-DPMNE nuk përgjigjen nëse do ta përkrahnin komisionin kur i njëjti do të fillojë me punë, ndërsa nga koalicioni VLEN theksuan se nuk do të përkrahin zgjidhje që mund të shkaktojë tensione.

“Kuvendi punon sipas rregullores dhe e njëjta duhet të zbatohet në tërësi. Gjithçka që është jashtë rregullores nuk presim të zbatohet”, deklaroi Dragan Kovaçki .

“Ne përpiqemi të gjejmë një zgjidhje të mirëfilltë për këtë. Nëse ka të bëjë me branitellat, duhet të ketë një qasje adekuate edhe për palën tjetër e cila ishte pjesë e konfliktit në 2001”, deklaroi Bilall Kasami.

Nga LSDM, përkatësisht ata që e dorëzuan këtë propozim, disa herë theksuan se propozim ligji për branitellat mund të gjendet në rend të ditës në Komision edhe krahas mospajtimit të BDI-së. Përkatësisht, nëse këtë e bën Gashi si kryeparlamentar, i cili e vendosi ligjin për huamarrjen hungareze në në Komisionin për financim dhe buxhet edhe krahas mospajtimit të deputetes SanjaLlukarevska.