Regjistrimi, tabelë qitjeje për politikën! Pushteti e opozita i bëjnë thirrje njëra-tjetrës për racionalitet

TË FUNDIT

A u përmbush premtimi i BDI-së për subvencionim të pagave për shqiptarët në sektorin privat? Përgjigjen nga Qeveria

Miratimi i programit në seancën e Qeverisë, ku parashihet subvencionim i kompanive private për punëtorë mbi bazën e parimit...

Tërmet i fuqishëm godet Greqinë, ndihet në Shkup dhe Tiranë

Një tërmet i fuqishëm ka goditur Greqinë para pak minutash. Tërmeti me fuqi prej 5.9 ballë, është ndjerë edhe në...

Qeveria apel diasporës: Merrni pjesë në regjistrim

Qeveria e Maqedonisë së Veriut ka dërguar apel deri te diaspora e vendit, që të marrin pjesë aktive në...

Numërohen mbi 33 mijë vota të diasporës, prin VV-ja

Nga 33 mijë e 488 vota nga diaspora që janë numëruar deri tani Lëvizja Vetëvendosje po prin me 26...

Kujdes, nesër pa energji elektrike një pjesë e Sarajit, Gazi Babës dhe Kisella Vodës

Gjatë ditës së nesërme për shkak të ndërhyrjeve teknike në rrjetin elektro shpërndarës, pa energji elektrike do të jenë...

Regjistrimi i popullsisë është proces statistikor, por në Maqedoninë e Veriut kjo po përdoret për përplasje politike.

Ditë më parë opozitarja VMRO-DPMNE tha se partnerët e koalicionit, Zaev dhe Ahmeti, tashmë janë marrë vesh për rezultatet e regjistrimit dhe se është kurdisur që shqiptarët të dalin mbi 32%.

I pyetur se ku bazohen për këtë gjë, sot zëdhënësi opozitar, iu shmang pyetjes, ndërsa nuk u përgjigj drejtpërdrejt as nëse do të thërrasin në bojkot.

 “Le të bëhen të arsyeshëm dhe ta tërheqin, që të sjellin ligj me konsensus të gjerë, sepse për momentin duan të bëjnë thjesht regjistrim si operacion politik, e jo si statistikor”, theksoi Dimçe Arsovski – zëdhënës i VMRO-DPMNE-së.

Kërkesa e VMRO-DPMNE-së është që regjistrimi të shtyhet për shkak të pandemisë si dhe vendosjen e shenjave të gishtërinjve. Nëse projektligji nuk tërhiqet, Arsovski paralajmëron që me peticion të nisin procedurë për anulim të ligjit.

Kryeministri beson që në afat sa më të shpejtë ligji do të votohet, edhe për shkak të aktiviteteve që vijojnë, ndërsa shpreh keqardhjen që është pamundësuar pjesëmarrja online e deputetëve të infektuar. Akuzon opozitaren VMRO-DPMNE për joracionalitet dhe papërgjegjmëri.

 “Dhe atë jo gjithë partinë, por udhëheqjen e partisë. Nga këtu, aq serioze është kjo punë, që me të vërtetë çdo lloj politikëbërjeje, është qesharake, e papërgjegjshme dhe sjellje e paarsyeshme. Nuk mund të kërkoni “shenja të gishtërinjve” në regjistrim, kur regjistrohen edhe të mitur nën 18vjeç. Ata nuk i kanë këto në MPB”, potencoi Zoran Zaev – kryeministër i vendit.

Apelet eventuale për bojkot të regjistrimit, Kryeministri i sheh si shtyrje e qytetarëve drejt përgjegjësisë, sepse mospranimi për t’u regjistruar sjell gjoba.

E krejt këto përplasje të pushtetit dhe opozitës maqedonase, opozita shqiptare i sheh edhe me një sy tjetër.

 “Unë kam një dilemë tjetër, mos është ndonjë marrëveshjes mes VMRO-së dhe LSDM-së ligji për regjistrim, që VMRO-ja të bëjë shumë zhurmë, e nga ana tjetër neve shqiptarëve të na vejë në gjumë”, tha Halil Snopçe – deputet i ASH-AAA.

Edhe pse kanë kritika, koalicioni ASH-AAA, ka deklaruar se do ta votojë ligjin.

Profesori universitar Lubomir Fërçkovski mbrëmë në ClickPlus foli për rrezikun kryesor të dështimit të regjistrimit të popullsisë.

 “Rreziku kryesor që regjistrimi të dështojë është roli mitik pervers i numrave, në kontekst të të drejtave etnike. Ky është çelësi se pse dështoi regjistrimi i mëparshëm. Edhe maqedonas, veçanërisht shqiptarët, të lidhur gabimisht me konceptim me Marrëveshjes së Ohrit, e lidhën se numrat janë të rëndësishëm, u bënë rob të kësaj”, u shpreh Lubomir Fërçkovski – profesor universitar.

Propozim ligji aktual për regjistrimin ende po pret votimin në Kuvend. Herën e fundit kur kishte shans të votohej, nuk u arrit në mungesë të kuorumit prej 61 deputetëve. Ende nuk dihet se në cilën seancë do të votohet. Regjistrimi është parapara që të bëhet nga 1 deri më 21 prill 2021.

TË NGJAJSHME