Reali fiton ndaj Barçës dhe kalon në finale të Superkupës

Real Madridi e ka fituar “El Clasicon” e Superkupës së Spanjës kundër Barcelonës dhe ka kaluar në finale.

Në duelin gjysmëfinale që u zhvillua në Riad të Arabisë Saudite, Reali triumfoi 3:2 pas 120 minutash lojë. Koha e rregullt u mbyll 2:2 dhe fituesi u përcaktua pas dy vazhdimeve nga 15 minuta, ku madrilenët shënuan një gol dhe kaluan tutje.

“Mbretërit” kaluan në epërsi në minutën e 25-të me golin e Vinicius Juniorit. Ai realizoi nga afërsia pas një topi të mirë që mori nga Karim Benzema.

Barça ia doli që të barazojë rezultatin në minutën e 41-të me golin e Luuk de Jongut, i cili shënoi pas një topi që u kthye nga portieri Thibaut Courtois. 1:1 u mbyll pjesa e parë.

Në të dytën u shënuan edhe dy gola, nga një për secilën skuadër.

Karim Benzema shënoi nga afërsia në minutën e 72-të për epërsinë e Realit, 2:1.

Por, tetë minuta para fundit, i inkuadruari në lojë në minutën e 66-të, Ansu Fati realizoi me kokë për të barazuar rezultatin në 2:2 dhe për ta dërguar duelin në vazhdime.

Më pjesën e parë të kohës shtesë, madrilenët shënuan dhe kaluan sërish në epërsi.

Federico Valverde realizoi në minutën e 98-të për 3:2.

Valverde hyri në lojë në minutën e 82-të.

Ky ishte dueli i 15-të klasik në kuadër të Superkupës së Spanjës.

Reali shënoi fitoren e nëntë, Barça ka katër triumfe dhe dy duele janë mbyllur baras.

Reali në finale takohet me fituesin e e duelit Atletico Madrid – Athletic Bilbao./koha