Qendrat e votimit në Francë janë hapur nga ora tetë e mëngjesit të sotëm. Në raundin e parë të zgjedhjeve janë gati 6.300 kandidatë për 577 vende në Asamblenë Kombëtare. Ata që nuk do të zgjidhen sot, për të hyrë në rrethin e dytë më 19 qershor ose duhet të jenë në dy vendet e para në njësinë e tyre zgjedhore ose të marrin votat e së paku 12.5 për qind të votuesve të regjistruar, lajmëroi korrespondenti i MIA-s.
Gati 6.300 kandidatë konkurrojnë për 577 vende në Asamblenë Kombëtare, ose 20 për qind më pak se në 2017, kjo është veçanërisht për shkak të marrëveshjes së krahut të majtë, e cila emërtohet Nupes (Franca rebele, Socialistët, Komunistët, Të Gjelbrit).
Abstenimi masiv i shpallur i votuesve mund të arbitrojë në garën midis kreut të shtetit, Emanuel Makron, dhe Zhan-Luk Melanshon, i cili ishte i treti në zgjedhjet presidenciale dhe tani është lideri i së majtës.
Abstenimi nga votimi në zgjedhjet legjislative është rritur në mënyrë të vazhdueshme që nga zgjedhjet e vitit 1993, duke u rritur nga 31 përqind në 51.3 përqind në 2017. Ajo prek kryesisht të rinjtë dhe klasën punëtore.