Kryeministri i Shqipërisë, Edi Rama ka uruar popullin e Kosovës në 25 vjetorin e ditës së çlirimit që siç tha, për përvjetorin e hyrjes së forcave të NATO-s krah për krah me luftëtarët e Ushtrisë Çlirimtare të Kosovës.
Rama uroi edhe anëtarët e Partisë Socialiste në 33 vjetorin e themelimit të kësaj partie.
“MIRËMËNGJES 
me një përqafim çdonjërit prej 93 mijë anëtarëve të Partisë Socialiste në këtë 33 vjetor të lindjes së saj, si edhe me një falënderim plot mirënjohje për simpatizantët e zgjedhësit që e kanë bërë partinë tonë forcën më të madhe të shqiptarisë, mishërim të Shqipërisë Europiane dhe sinonim të fjalës fitore, si edhe gjithashtu me një urim nga zemra të gjithë popullit të Kosovës për përvjetorin e hyrjes së forcave të NATO-s krah për krah me luftëtarët e Ushtrisë Çlirimtare të Kosovës
“, ka shkruar Rama.