Shumë qytetarë që jetojnë jashtë shtetit kanë probleme me regjistrimin.
Mbrëmë në emisionin Clik Plus qindra thirrje telefonike kërkuan përgjigje na mysafirët e entit shtetërorë për statistika.
Në formularin e regjistrimit nuk figuron Kosova si shtet për zgjedhjen se ku jetoni. Bekim Berisha thotë se kjo ka ndodhur për shkak se baza e shteteve është marr nga OKB ku Kosova nuk figuron.
“Sot më ndaloj një qytetarë në rrugë tha kam vajzën të martuar në Kosovë, edhe tha që Kosova nuk rezulton si shtet?
Kështu dmth e kemi ngritur këtë çështje dhe sqarimi është ky, baza e shteteve është marr nga OKB atje fatkeqësisht ende si shtet nuk rezulton Kosova nga nesër baza prej Euro Statit dhe do të ekziston aty shteti i Kosovës”, tha Bekim Berisha – Këshilltar në Entin për Statistikë.
Zv drejtori për statistika tregoi tre opsionet se si mund të regjistrohet diaspora.
“Nëse jeni në diasporë, ju mundë të vet regjistroheni në të cilin ke qasje vetëm jashtë kufijve me IP adresë nga jashtë kufijve. Ndërsa nëse nuk mund të regjistroni atje dhe doni sërish vetë të regjistroheni ju keni mundësinë të vini në Republikën e Maqedonisë së Verit gjatë periudhës 1 prill deri më 21 prill dhe ta shfrytëzoni mundësinë dhe të regjistroheni. Dhe mënyra e tretë nëse nuk arrini të regjistroheni e thirrni një të afërt të juaj dhe ja jepni të gjitha të dhënat ja jepni nr amë dhe ai do të ju regjistroj këtu nga 1 prilli deri më 21 prill”, theksoi Ilmi Selami – zv/drejtor i Entit për Statistikë.
Fatmir Miftari nga Kumanova pyeti të ftuarit se përse ai nuk mund të regjistrohet ndërsa gruaja e tij po.
“Shoqja ime është regjistruar e ka numrin amë edhe unë e kam certifikatën e lindjes të Maqedonisë e kam edhe numrin amë a kemi ne të drejta me u lajmërua. A kemi të drejt me u lajmëruar edhe me u regjistro fëmijët e tanë që janë të lindur këtu”, potencoi Fatmir Miftari.
“Nëse keni marr shtetësi të Austrisë, Austri nuk pranon dy shtetësisë dhe në këtë mënyrë nëse keni marr nënshtetësinë e Austrisë ju keni humbur shtetësinë e Maqedonisë dhe keni humbur të drejtat tjera në këtë drejtim edhe të drejtën për tu regjistruar”, shtoi zëvendësdrejtori i Entit për Statistikë, Ilmi Selami.
Shumë qytetarë janë ankuar edhe për përkthimin e aplikacionit. Ndërsa Bekim Berisha Këshilltar Enti Statistika thotë se përkthimi është bërë be google translate.
“Emali ka shkuar deri tek kolegeje maqedone kolegeje maqedone e ka dërguar emailin deri tek firma e cila e mirëmban aplikacionin shumë emeile tjerë prej tek ne shkojnë atje dhe u janë ngatërruar jo si duket por shihet qartë aty se e kanë marr prej google translete kush ? firma që e mirëmban”, deklaroi Bekim Berisha – Këshilltar në Entin për Statistikë.
Drejtori i entit shtetëror për statistika Apostol Simovski sot tha që për 24 orë janë regjistruar mbi 10 mijë mërgimtarë në aplikacionin e publikuar. Prej dje dhe në dy javët e ardhshme, do të regjistrohen 2.200 persona të dënuar dhe të paraburgosur në institucionet ndëshkuese-përmirësuese në territorin e Maqedonisë.