Qindra Ligje presin për miratim! Pas pothuajse një muaj pushim përsëri nuk ka shumicë në seancat

Pas katër javëve pauzë, në Kuvend janë caktuar katër vazhdime të seancave plenare. Por, salla parlamentare është gjysmë e zbrazët dhe vendoset në pikëpyetje sigurimi i kuorumit. Në ndërkohë numër i madh i ligjeve presin për miratim. Edhe pse u paralajmërua se do të thirret seancë e veçantë në të cilën do të sigurohet shumicë për votim, kjo ende nuk mund të realizohet.

Koordinatori i VMRO-DPMNE, Nikolla Micevski, konstatoi se shumica parlamentare ende ka probleme në radhët e veta.

 “Problemet në shumicën parlamentare ende nuk janë tejkaluar për shkak se nëse ishte e kundërta prisja që sot të caktoni vazhdim të seancës së 34, të cilën kishim përpjekje për ta filluar më 16 shkurt , e cila në rend të ditës ka më shumë se 70 pika”, tha Nikolla Micevski nga VMRO-DPMNE.

Edhe deputeti i Aleancës për shqiptarë, Halil Snopçe pohon se ka probleme në shumicën parlamentare.

Kryetari i Kuvendit, Talat Xhaferi i cili paraprakisht hapur foli se për shkak të disa mospajtueshmërive brenda-partiake BDI nuk vjen në Kuvend, tani thotë se nuk ka caktuar seancë që komisionet të kenë mjaftueshëm kohë për të punuar. LSDM pohon se shumica parlamentare është stabile, por se opozita po pengon punën e Kuvendit.