Qeveria e Maqedonisë së Veriut sot duhet të sjellë vendim ndaj masave të reja anti-Kovid.
Me këto masa parashihet që nëpunësit shtetërorë të mund të shkojnë në punë vetëm të vaksinuar ose duke dëshmuar se janë negativë në Kovid-19, gjegjësisht me test negativ.
Megjithatë, në takimin që e realizoi dje ministri i Shëndetësisë, Venko Filipçe krerët e sindikatave kanë kërkuar që në rast se sillet vendim që masa të hyjë në fuqi, e njëjta të fillojë të vlejë pas 15 ditësh, njofton TV21.
Gjithashtu është kërkuar që punëtorët që nuk duan të vaksinohen, testet e tyre për të dëshmuar se janë negativë në Kovid-19, t’i paguajnë punëdhënësit.
Ministri Filipçe ka njoftuar se këto kërkesa do të shqyrtohen në seancën e sotme qeveritare.