Qeveria i jep huazim Qytetit nga rezervat e naftës / Nga nesër pritet të normalizohet gjendja me autobusët

Qeveria u lavdërua se e ka zgjidhur kaosin me transportin publik, me çka nga nesër gjendja me autobusët pritet të normalizohet. Në seancë të jashtëzakonshme u soll vendim për gjendje krize me energjinë termike në qytetin e Shkupit që do të mundësojë të huazohen pjesë e rezervave shtetërore të naftës. Në mënyrë shtesë, u vendos që edhe qyteti i Shkupit të mos shpallë tender për karburant, por se mund të negociojë me kompanitë.

Qyteti i Shkupit e mirëpriti vendimin e qeverisë.

Përndryshe linjat e autobusëve sot u reduktuan ndërsa pjesë e nxënësve sot në mëngjes mezi kanë arritur në shkollë.

Paraprakisht Qyteti i Shkupit akuzoi se prapa kaosit qëndron, siç thanë, egoja e kryeministrit Hristijan Mickoski i cili përmes kuadrove të Byrosë për prokurime publike me qëllim e ka anuluar tenderin e tyre për blerjen e karburantit. Nga Byroja u përgjigjën se vendimi i tyre është e drejtë, për shkak se NQP ka zgjedhur një ofertë të papranueshme si më t volitshme, ndërsa qyteti i Shkupit ka përhapur politika. Kryetarja e Shkupit Arsovska në intervistë për Telma deklaroi se arsyetimin e Byrosë e vlerëson si nebuloze duke thënë se nuk mund të flasë për ofertë më të mirë ose më të keqe për prokurim të karburanteve në situatë kur çmimin e rregullon KRRE. Në lidhje me tenderët e NQP-së për mazut u përfshi edhe prokuroria përmes Drejtorisë për polici financiare.