Qeveria e re me 7 ministra më pak! LSDM 8 ministri, BDI 6, BESA dhe PLD nga 1

Qeveria e re e cila pritet të udhëhiqet nga LSDM dhe BDI do të ketë 16 ministri.

Zoran Zaev do të jetë kryeministër, ndërsa anëtar të Qeverisë do të jenë edhe Lupço Nikollovski si Zëvendëskryeministër për luftimin e korrupsionit, Fatmir Bytyqi Zëvendëskryeministër për çështje ekonomike dhe Nikolla Dimitorv Zëvendëskryeministër për çështje evropiane.

Zoran Zaev pas mbledhjes së këshillit të LSDM-së kumtoi emrat e propozuar për udhëheqjen e ministrive në katër vitet e ardhshme .

Ministër për punë të brendshme –Oliver Spasovski

Ministre e Mbrojtjes – Radmilla Sheqerinska

Ministër i Shëndetësisë – Venko Filipçe

Ministre e Arsimit dhe Shkencës – Milla Carovska

Ministre e Kulturës- Irena Stefovska

Ministër i Transportit dhe Lidhjeve Bllagoja Boçvarski

Ministër i Drejtësisë- Bojan Mariçiq

Ministre e Punës dhe Politikës Sociale- Jagoda Shahpanska

Kandidati për Kryeministër Zoran Zaev pasi lexoi të gjitha propozimet për ministrit premtoi edhe disa projekte, si shkolla, kanalizime, rrugë, rritje të rrogave.

“Vazhdon pastrimi i Gjyqësorit dhe kontrollimi i pasurisë së funksionarëve”, tha Zoran Zaev, kryetar i LSDM-së.

BDI në Qeveri do të ketë 6 anëtarë dhe kryetarin e Kuvendit.

Ministrinë e Financave – Fatmir Besimi

Ministria e Punëve të Jashtme – Bujar Osmani

Ministria e Mjedisit Jetësor dhe Planifikimit Hapësinor – Naser Nuredini

Ministria e Ekonomisë – Kreshnik Bekteshi

Ministria e Sistemit Politik dhe zëvendëskryeministër –Artan Grubi

BDI do të udhëheq edhe me Ministrinë për shoqëri informative, por ende nuk është propozuar asnjë emër për ministër.

“Kurse ministrin për shoqëri informative do e lemë pas disa konsulltave shtesë”, deklaroi Ali Ahmeti kryetari i BDI-së.

BDI gjithashtu ka arritur marrëveshje që në 100 ditët e fundit të mandatit Kryeministri i Maqedonisë së Veriut të jetë shqiptar.

Ministria e Bujqësisë do të udhëhiqet nga Arianit Hoxha kuadër i Lëvizjes BESA, ndërsa Goran Milevski nga PLD do të udhëheq me Ministrinë e pushtetit lokal. Të dy partitë janë pjesë e koalicionit “Mundemi”