Qeveria e re e Kosovës miraton programin qeverisës

Qeveria ka miratuar programin e punës për vitet 2020 – 2023. Prioritet i Qeverisë mbetet lufta kundër pandemisë nga COVID19 dhe rimëkëmbja e ekonomisë.  Në këtë drejtim Qeveria mori vendim që t’i kërkojë Kuvendit  tejkalimin e përkohshëm të rregullave fiskale, që të mund t’i dalin në ndihmë bizneseve dhe familjeve në nevojë të prekur nga pandemia. Në plan afatgjatë program parasheh zhvillim ekonomik, forcimin e shtetit ligjor, avancimin e demokracisë, luftimin e dukurive negative, veçmas krimit dhe korrupsionit si dhe ruajtja e raporteve me ndërkombëtarët./21Media