Kuadro të ndershme dhe të përkushtuara – kështu mandatari Hristijan Mickoski vlerësoi propozimet e VMRO-DPMNE-së për ministra në Qeverinë e ardhshme. Ai paralajmëroi se ministrat e ardhshëm plotësisht do të angazhohen për realizimin e, siç tha, qëllimeve të caktuara ambicioze.
“Nuk e kemi luksin që të mos kemi sukses, e as të bëjmë repriza të qeverisjeve të mëhershme ku do të humbet lidhja me sovranin e vetëm – popullin”, tha kryetari i VMRO-DPMNE-së, Hristijan Micksoki.
Një pjesë e kandidatëve për ministra të VMRO-DPMNE-së në rrjetet sociale tashmë i paralajmëruan prioritetet në resorët e tyre. Timço Mucunski shkroi se si ministër për punë të jashtme dhe tregti të jashtme do të angazhohet për marrëdhënie të fuqishme me partnerët ndërkombëtarë dhe zhvillim ekonomik. Kandidati për mbrojtje, Vllado Misajllovski paralajmëroi përmirësim të kushteve në armatë dhe modernizim. Aleksandar Nikollovski, i propozuar për Transport dhe Lidhje, thotë se VMRO-DPMNE do të arsyetojë besimin e madh të marrë nga populli. Zllatko Perinski, i cili do të jetë në krye të Ministrisë për vetëqeverisje lokale paralajmëroi mbështetje për komunat nga pushteti qendror. Ministrinë e kulturës dhe truizmit do ta udhëheq aktori Zoran Llutkov, sipas të cilit të punësuarit në kulturë përsëri do të jenë krenarë në profesionin e tyre. Mickoski e propozoi edhe Pançe Toshkoskin në MPB, Gordana Koçovska-Dimitrievska në Finacna, Sanja Bozhinoska për Energjetikë, Stefan Andonovskin për Digjitalizim, Boro Ristevskin si ministër për Sport, Cvetan Tripunovskin për Bujqësi, Vesna Janevska për Arsim, Lupço Dimovskin për Sistem Politik, Ivan Stoillkoviq për Marrëdhënie mes Bashkësive dhe Shaban Saliun si ministër pa resor i angazhuar për “dekadën e Romëve”.
“Të martën së bashku me programin për punë të qeverisë së ardhshme maqedonase, do ta dorëzojmë propozimin në Parlament dhe pres realizim të suksesshëm, përkatësisht votimi i së njëjtës të përfundojë gjatë fundjavës së ardhshme, ditët e 22, 23 qershorit”, u shpreh Hristijan Mickoski – kryetar i VMRO-DPMNE-së.
Mickoski paralajmëroi se në seancën e parë qeveritare do të publikohet edhe sekretari gjeneral i Qeverisë i cili do të jetë kuadër i VMRO-DPMNE-së. Ai tha se po përfundojnë edhe bisedimet me koalicionin VLEN dhe Lëvizjen ZNAM për kuadrot në eshalonin e dytë dhe të tretë. Përndryshe tashmë dihet se nga VLEN ministër i shëndetësisë është propozuar Arben Taravari, për zv.kryeministër i parë dhe ministër i ekologjisë Izet Mexhiti, për çështje Europiane Orhan Murtezani, për ekonomi dhe punë Besar Durmishi, për politikë sociale Fatmir Limani, ndërsa për ministër i angazhuar për qeverisje të mirë Artan Fetai. Nga partia e Maksim Dimitrievskit, Igor Fillkov është propozuar për ministër i drejtësisë ndërsa Goran Minçev për ministër i administratës.