Që të dy presin fitore, Arsovska dhe Shilegovi në rrethin e dytë për Shkupin

Danella Arsovska dhe Petre Shillegov hyjnë në rrethin e dytë të zgjedhjeve lokale për Qytetin e Shkupit. Arsovska u bëri thirrje votuesve që në rrethin e dytë të dalin në numër sa më të madh. Thotë që gëzohet që disa kandidat nga lista e këshilltarëve nga shoqatat civile janë bërë pjesë e Këshillave komunal. E pyetur se a do ta udhëheq programin e VMRO-DPMNE për qytetit duke e pasur parasysh se e ka mbështetjen e kësaj partie, tha që nuk ka për qëllim të merret me politikë.

“Ju thërras që në raundin e dytë të dilni në numër sa më të madh. Unë që nga dita e parë thashë, unë nuk kam për qëllim të merrem me politikë. Mua më mbështetën mbi 20 subjekte politike, megjithatë më përkrahën edhe shumë lëvizje civile, organizata joqeveritare, organizata që janë relevante në shoqërinë tonë, megjithatë para se gjithash njerëzit që më përkrahën janë shkupjanë”, tha Arsovska.

Kandidati nga radhët e LSDM-së dhe kryetar aktual, Petre Shilegov është i bindur se dallimin që e ka me Arsovskën do ta arrijë në raundin e dytë dhe se ai përsëri do të jetë kryetari i Shkupit.

“I thërras të gjithë qytetarët të cilët për arsye të ndryshme nuk dolën për të votuar, në raundin e dytë të dalin në mënyrë masive dhe të votojnë. Unë jam i bindur se për shkak të kësaj dhe për shkak të kapacitetit më të madh policor në raundin e dytë zgjedhor do të korrim fitore të madhe. Si çdo herë unë mbështetem në votat e qytetarëve”.

Rrethi i dytë i zgjedhjeve lokale do të mbahet pas 2 javëve, përkatësisht më 31 tetor ku do të garojnë nga dy kandidatë të cilët në rrethin e parë kanë marrë më së shumti vota.