Presidenti rus Vlladimir Putin u dërgoi porosi presidentit të SHBA-së Donald Tramp dhe kryeministrit britanik Boris Xhonson me rastin e 75 vjetorit të Luftës së Dytë Botërore.
Në mesazhin drejtuar Trampit, Putini thekson se Rusia dhe Amerika munden shumë të kontribuojnë për stabilizimin global në linjën e parë kundër sfidave globale.
“Rusia dhe Amerika sot ndodhen nën radhët e para luftarake me sfidat globale. Duke e ndjekur traditën e bashkëpunimit, themelet e së cilës ishin vendosur gjatë luftës, duke vepruar në ‘frymën e Elvës’, vendet tona do të mund të bënin shumë që të sigurohen siguria dhe stabiliteti global”, theksohet në kumtesë.
Siç bëri të ditur Kremlini, Putini ka theksuar se edhe Rusia përkujtohet në kontributin e fitores së përbashkët të aleatëve në koalicionin anti – Hitler dhe shtoi se bashkëpunimin sovjetiko-amerikan në fushë betejë asnjëherë nuk do harrohet.
Në porosinë drejtuar kryeministrit Xhonson, Putini thotë se bashkëpunimi gjatë luftës ka qenë i paçmueshëm, që, sipas tij, nevojitet edhe sot.
Ai shprehu bindje se përkujtimi i vëllazërisë nga koha e luftës mund të shërbejë edhe për zhvillim të dialogut konstruktiv midis Britanisë së Madhe dhe Rusisë dhe bashkëpunim në luftën kundër sfidave bashkëkohore./MIA