Publikohet autopsia për vdekjen e Maradonës

Diego Armando Maradona, i cili vdiq nga sulmi në zemër në fund të nëntorit, vuante nga probleme të zemrës, mëlçisë dhe veshkave dhe gjetjet e autopsisë tregojnë se ai nuk ka marrë trajtim për sëmundje kardiovaskulare.

Sipas rezultateve të kumtuara nga Prokuroria Publike në San Isidro, një nga periferitë e Buenos Ajres, testet toksikologjike nuk zbuluan praninë e alkoolit dhe narkotikëve në gjak dhe urinë. Gjurmët e barnave me recetë për koktej mjekësor janë identifikuar dhe përdorur për të trajtuar një gamë të gjerë sëmundjesh, përfshirë depresionin, skizofreninë, çrregullimet nervore dhe sulmet e panikut./MIA

Maradona, i cili vdiq në moshën 60 vjeçare, kishte një histori të gjatë të varësisë të alkoolit dhe abuzimit me drogën.

Prokurorët argjentinas kanë lëshuar një urdhër autopsie në trupin e tij si pjesë e hetimit për të përcaktuar nëse futbollisti i famshëm vdiq si rezultat i neglizhencës mjekësore.

“Rezultatet e testeve laboratorike tregojnë se Maradonës i është dhënë substancë psikotrope, por jo ilaçe për sëmundjen e zemrës”, tha një prokuror anonim për agjencinë argjentinase të lajmeve Telam.