PTHP Shkup dorëzoi ankesë për dënimin me kusht në lëndën për aksidentin te ëmbëltorja

Prokuroria Themelore Publike Shkup deri te Gjykata e Apelit Shkup sot  dorëzoi ankesë  për gjykimin e shkallës së parë  të Gjykatës Themelore Penale nga 4 shtatori  i vitit 2020 me të cilën i akuzuari ishte shpallur  fajtor për veprën penale “vepra të rënda kundër sigurisë së njerëzve dhe pronës në komunikacion”, nga neni 300 paragrafi 4 në lidhje me nenin 297 paragrafi 3 në lidhje me paragrafin 1 të Kodit penal dhe ishte caktuar masë alternative – dënim me kusht, gjegjësisht dënim me burg prej dy viteve  e cila nuk do të mbahet nëse i akuzuari në afat prej pesë viteve nuk kryen  vepër të re penale.

Siç sqaruan nga Prokuroria,  Gjykata si rrethanë lehtësuese e ka vlerësuar vullnetin e lirë  të pranimit të fajit për veprën penale nga ana e të akuzuarit,  gjë që ka  kontribuuar për përfundim të shpejtë dhe efikas të procedurës penale,  ndërsa njëherit është shprehur edhe gatishmëri  e të akuzuarit të përballet me pasojat e veprës  së tij. Por, prokurori publik konsideron se  pranimi i fajit  në kushte kur i akuzuari  pa dyshim  është i vetëdijshëm për dëshmitë kundër tij dhe  për pasigurinë të përballet me sanksione, vetvetiu nuk duhet të paraqesë  cak  të privilegjimit të autorit, veçanërisht kur bëhet fjalë për vepër penale me pasoja  padyshim të rënda.

“Si rrethanë lehtësuese gjykata i ka vlerësuar edhe lidhjet familjare dhe moshën e autorit, por prokurori publik  megjithatë theksoi se pikërisht  mosha prej 63 vjet  nuk duhet ta zvogëlojë  peshën e rrethanave, sepse bëhet fjalë  për vozitës me përvojë shumëvjeçare si dhe fakti që i akuzuari vetë ka  pësuar traumë gjatë aksidentit”, arsyetuan nga PTHP.

Njëherit pendimi i shprehur i të akuzuarit pas fatkeqësisë,  të treguar  në debatin kryesor dhe përmes letrës së të dëmtuarës, cituan nga PTHP, paraqet  gjithashtu masë lehtësuese për Gjykatën.

“Për këto arsye, prokurori publik propozoi Gjykata  e Apelit të caktojë sanksion  penal më të lartë për personin e akuzuar gjegjësisht dënim me burg, si dënim kryesor”, theksuan nga PTHP./MIA