Protestë para Ministrisë së Financave! Organizatorët e ahengjeve kërkojnë ndihmë nga shteti

Para ministrisë së Financave vendosën tenda.

E nuk e harruan as muzikën.

Këto që po protestojnë, janë organizatorët e ahengjeve. Ata kërkojnë ndihmë në këtë kohë krize të pandemisë. Thonë se nuk po mund të mbijetojnë më dhe kërkojnë ndihmë nga shteti ose të hapen lokalet.

 “Në vitet e kaluara kemi vërtetuar se mundemi dhe dimë të punojmë, dhe kemi ndërtuar biznese nga zeroja  me të cilat kemi mirëmbajtur familjet tona dhe familjet e punonjësve tanë. 01:28

Slogani zgjedhor i qeverisë aktuale ishte “Ne mundemi”. Kështu që tani ne kërkojmë që ata të mund të na ndihmojnë. po kërkojmë ndihmë financiare të njëhershme jo vetëm për të ruajtur vendet e punës por nuk kemi mjete për ekzistencë”, tha Martin Angelovski.

Agjencitë turistike thonë se edhe pse nuk janë të mbyllura, ato po e ndjejnë krizën ekonomike.

Kërkojnë vauçer për turizëm vendor nëpërmjet agjencive turistike.

 “Të mos lejojmë më që asnjë agjenci të mbyllet. Është e patjetërsueshme asistenca financiare e pakthyeshme për mbijetesën e çdo agjencie të licencuar udhëtimi. Qarkullimi ka rënë, jo për 30% por gati 100 për qind”, tha nj; përfaqësuese e Agjencive Turistike.

Mbrëmë në emisionin CliCK Plus ministri i Ekonomisë Kreshnik Bekteshi tha që në fund të muajit maj mund të lejohet edhe hapja e restoranteve të dasmave.

 “Unë besoj diskutimet që i kemi në kuadër të shtabit të krizës që diku rreth fundit të majit do të lejohet edhe hapja e restoranteve të dasmave. Pa mare parasysh edhe trendin të rënie së rasteve me Covid 19”, deklaroi Kreshnik Bekteshi – Ministër i Ekonomisë.

Në protestë morën pjesë edhe pronarët e lodrave për fëmijë të cilët gjithashtu kërkuan ndihmë financiare.   Protestuesit thanë se nëse nuk do të plotësohen kërkesat, do të vazhdojnë me protesta edhe ditëve tjera.