“Propozimi francez ruan 90% të identitetit”/Ruzhin: Për çdo identitet e rëndësishme është ruajtja e gjuhës

Me propozimi francez, ruhet 90% e identitetit maqedonas, sepse i njëjti siguron për gjuhën, vlerësoi ish-ambasadori Nano Ruzhin në emisionin “ClickPlus” të TV21.

“E rëndësishme për çdo identitet është ruajtja e gjuhës. Duke e parë se gjuha me të vërtetë ruhet me këtë propozim francez, ne kemi përmbushur 90% të ruajtjes së identitetit, sepse elementët e tjerë janë historia, e cila mendoj se do të relativizohet sepse është qesharake të flitet për historinë. Elementi i tretë është hapja e Kushtetutës, pra nuk jem tek fondamentet, klasteri i parë, ku kusht themelor nëse dëshironi të hapen negociatat, fillimisht votojini me 2/3-tat në Kuvend”, tha Nano Ruzhin, ish-ambasador.

Gazetari dhe analisti Zoran Ivanov u shpreh se propozimi francez mund të jetë i mirë për ne, por nuk është i mirë për Bashkimin Evropian.

“Unë do të them se është i keq, dhe shumë i keq, jo për ne por për Bashkimin Evropian, për standardet dhe kriteret e BE-së, doktrinën e saj. Ne jemi precedent në shumë gjëra, jo vetëm në Ballkan, por edhe në Evropë e ndoshta edhe në botë. Përgjithësisht, megjithatë është i mirë për ne, sepse siç tha edhe ambasadori, në një farë mënyre na trajton. Shihni me Bullgarinë, përfundojeni problemin, Bullgaria është anëtare, e kështu me radhë…”, pohoi Zoran Ivanov, gazetar/publicist.

Ish-ambasadori Ruthin tha se është i kënaqur që kryeministri shqiptar Edi Rama dhe presidenti serb Aleksandar Vuçiq e mbrojnë kauzën e Maqedonisë së Veriut.