Me prezantimin e dëshmive nga prokuroria sot në Gjykatën Penale në Shkup, vazhdoi gjykimi për rastin “Lidhja Ndërkombëtare”.
Përfaqësuesje e palës akuzuese, prokurorja Maja Konevska, në seancën e sotme gjyqësore prezantoi dëshmi materiale nga raportet të cilat prokuroria i ka marrë nga MPB-BSP.
Pala mbrojtëse e të dyshuarës Frosina Remenski, pas prezantimit të këtyre dëshmive materiale reagoi dhe theksoi se prokuroria me vetëdije po e shkel LPP dhe jep urdhra për ekspertizë në MPB, për persona për të cilët gjykata tha se nuk janë ekspertë, nuk janë të licencuar nga Ministria e Drejtësisë dhe se nuk përgatisin mendime të ekspertëve.
I akuzuar i parë në këtë proces gjyqësor është Bojan Jovanovski, i cili nga Prokuroria për Luftë kundër Krimit të Organizuar dhe Korrupsionit dyshohet për veprat penale “mashtrim” dhe “larje parash”. Në mesin e të dyshuarve është edhe ish-deputetja nga radhët e LSDM-së, Frosina Remenski, e cila ndiqet për veprën penale “mashtrim”.
Seanca e ardhshme gjyqësore për rastin “Lidhja Ndërkombëtare” është caktuar për më 24 shkurt.