Prokuroria e hodhi poshtë padinë penale kundër Dimitrievskit

TË FUNDIT

Padia penale në prokurori ishte dorëzuar më 24 prill të vitit 2020 kundër dy personave, me akuzat se personat gjatë epidemisë së sëmundjes së rrezikshme ngjitëse kishin vepruar në kundërshtim me rregullat shëndetësore, në atë mënyrë që pasi paraprakisht ishin testuar dhe iu ishte diagnostikuar prania e virusit Kovid-19, pas çka kishin marrë edhe Vendim për mjekim të obligueshëm shtëpiak dhe izolim, kishin shkuar për testim në Shkup në tri laboratori private, edhe pse nuk kishin guxuar që ta lëshonin hapësirën ku ishin vendosur.

Gjatë kësaj, të denoncuarit kishin bërë konsultime me mjekët amë dhe kishin caktuar kontroll në Repartin Infektiv në Spitalin e Përgjithshëm të Kumanovës për më 22 prill 2020. Njëri nga të denoncuarit, në mënyrë private kishte angazhuar dhe paguar nga llogaria personale automjet të ambulancës me të cilin në mëngjesin e ditës së njëjtë, dy të denoncuarit ishin dërguar në Shkup dhe anasjelltas për testime kontrolluese në spitale private dhe laboratori. Transporti në automjetin e ambulancës “kovid”, thonë nga PP-ja, ishte bërë sipas protokolleve mjekësore, nën pajisjen e plotë mbrojtëse të shoferit dhe pacientëve. Transportin e tyre, të denoncuarit me rregull e kishin denoncuar në “192” në Qendrën për njoftim dhe komandim pranë SPB Kumanovë, ndërsa sipas vendimeve për izolim shtëpiak ku qëndron se “nëse personi gjatë mjekimit dhe izolimi në kushte shtëpiake ka nevojë për mjekim spitalor, paraprakisht duhet të lajmërohet në numrin e telefonit 192 me qëllim që t’i mundësohet lëshimi i shtëpisë”.

Pasi iu ishin marrë mostrat, sipas protokolleve mjekësore, të denoncuarit me automjetin e njëjtë ishin kthyer prapa në Kumanovë, ku menjëherë në repartin Infektiv në spitalin e Përgjithshëm iu ishin marrë mostra të gjakut për analizë, ishte kryer kontroll dhe incizim rëntgeni.

Rezultatet nga testimi i kryer në Shkup ishin negative, njëjtë si edhe rezultatet e testimit të kryer plotësues nga ana e ekipit nga spitali privat i cili kishte ardhur në shtëpitë e të denoncuarve.

Të denoncuarit, pa marrë parasysh rezultatin negativ të testimit, kishin qëndruar në izolim shtëpiak deri në përfundimin e afatit prej 14 ditë dhe deri në marrjen e dy rezultateve të njëpasnjëshme negative nga laboratori i autorizuar