Projekti i përbashkët rinor Serbi-Shqipëri

Kryeministri i Shqipërisë Edi Rama, ka deklaruar se që nga konferenca e Berlinit deri tek ajo e Vjenës është regjistruar një progres i jashtëzakonshëm politik në rajon. Sipas shefit të Qeverisë shqiptare, palët e përfshira në këtë proces, janë pajtuar për financimet dhe investimet në infrastrukturën rajonale. Duke folur për projektin e përbashkët rinor Serbi-Shqipëri, Rama ka shtuar se kjo nismë do të firmoset nga ai dhe kryeministri serb Aleksander Vuçiq, para ndeshjes Shqipëri-Serbi. Kjo do të bëhet në mënyrë simbolike, për të ulur tensionet që u panë në ndeshjen e parë në Beograd./21Media