Familja e Hektor Morinës ka vendosur që sot në mesditë të protestojë në shenjë pakënaqësie siç thonë ata, karshi dështimit të organeve të drejtësisë për mbrojtjen e jetës së qytetarëve.
Në njoftimin e familjes Morina, thuhet se pas vrasjes së familjarit të tyre Hekuran Morinës dhe plagosjes së disa qytetarëve të Prizrenit nga bandat kriminale të qytetit, si pasoj e mos funksionimit të organeve të drejtësisë, sot do të organizojnë një protestë para Gjykatës Themelore në Prizren.
“Protesta do të fillojë në ora 14:00, ku me këtë rast ne do të shfaqim pakënaqësinë tonë karshi dështimit të organeve të drejtësisë për mbrojtjen e jetës së qytetarëve”, thuhet në njoftimin e familjes Morina.