Pritje të gjata për aplikim “pa termin”/ Qytetarët: Dokumentet janë të vlefshme, shteti duhej t’i mbulojë harxhimet

TË FUNDIT

Dhjetëra qytetarë presin radhë para stacionit policor “Prolet” për t’u fotografuar pa termin për zëvendësimin e dokumenteve personale me emrin e ri të shtetit, Maqedonia e Veriut. Për shkak se sot është e shtunë, e qytetarët nuk e dinë nëse kjo pikë punon, radha është më e shkurtër, por në ditë pune, ndodh të presin rreth 100 qytetarë, e koha që kalojnë në pritje arrin deri në katër orë. Qytetarët konsiderojnë se duhej së paku harxhimet për zëvendësimin e dokumenteve t’i mbulojë shteti, për shkak se ato që kanë janë ende të vlefshme.


Gjithsej një orë. Mendoj se dhjetë kabina ishin gjithsej, pesë prej të cilave ishin në pauzë, pesë me pesë.
Sigurisht i ndërroni dokumentet për shkak emrit të ri të shtetit?
Po.
A konsideroni se duhej shteti t’i mbulojë harxhimet për dokumentet?
Gjithsesi se po, janë të vlefshme për dhjetë vitet e ardhshme. Janë nxjerrë para një viti apo dy, tani edhe çmimi është rritur edhe…

Sa kohë iu desh të prisni për të ndryshuar dokumentet?
Një orë!
Për shkak emrit të ri i ndryshoni dokumentet apo jo?
Po!
A konsideroni se duhej shteti t’i mbulojë harxhimet?
Po, dhe nuk duhej fare të vijmë këtu, duhej shteti të na i sjellë përmes postës të gjitha dokumentet.

Diku një orë për shkak se kishte njerëz para nesh.
Për shkak emrit të ri i nderoni dokumentet?
Po, për shkak emrit “E Veriut”.
Më thoni a duhej së paku shteti t’i mbulojë harxhimet?
Absolutisht duhej mirëpo ja ndodhi që ne vet t’i mbulojmë harxhimet, të paguajmë gjithçka.

Unë dje isha këtu, tre orë e gjysmë prita dhe në fund asgjë.
Sa kabina punojnë brenda?
Katër ose pesë nga ajo anë, gjithsej ka tetë.
Përndryshe kjo pikë për fotografim pa termin punon çdo ditë pune nga ora 08 deri në orën 18, ndërsa të shtunën e të dielën deri në orën 16:00. Dokumentet personale si pasaporta, letërnjoftimi dhe patentë shoferi të cilat janë ende me emrin Republika e Maqedonisë, vlejnë deri më 12 shkurt 2024.