Bashkimi Evropian duhet të rigjejë veten dhe të kthehet në rrënjët e tij, u shpeh kryeministri Zoran Zaev në panelin e Forumit të Prespës për Dialog, ku të pranishëm ishin edhe homologët e tij të rajonit. Mosnisjen e bisedimeve eurointegruese të Shkupit dhe Tiranës i quajti dështim të madh të politikave për zgjerim të BE-së dhe mesazh të keq për të gjithë rajonin.
“Sa më të forta dhe stabile janë lidhjet transatlantike, Ballkani Perëndimor është i fortë, stabil dhe përparues. Angazhimin i përbashkët i Shteteve të Bashkuara dhe Bashkimit Evropian në Ballkanin Perëndimor është esencial. BE duhe tët rigjejë veten, të rikthehet në rrënjët e saj, të rikthehet tek Shumani dhe Adenaueri”, tha kryeministri Zaev.
E kryeministri shqiptar Edi Rama duke folur për punën e pritjes së hapjes së negociatave, tha se tashmë nuk ndjen asgjë, e as nuk pret, siç ka bërë dikur. Këtë madje e krahasoi me organizimin e një dasme.
“Mund të organizoni një dasëm të bukur njëherë, duke bërë gjithçka të mrekullueshme dhe në nusja nuk vjen. Mund ta bësh edhe për herë të dytë, duke rregulluar bukur, me muzikën më të mirë, dekorimet, të ftuarit, ushqimin dhe të gjitha, po nusja sërish nuk vjen dhe përsëri ti vetëm thua fjalën me “F…” dhe nuk organizon më për dasëm, e nëse nusja vjen, le të jetë e zakonshme…”, u shpreh kryeministri i Shqipërisë, Edi Rama.
Për depresionin dhe frustrimin që të shkakton pritja e gjatë foli edhe kryeministrija e Serbisë, Ana Bërnabiq. Por për njohjen e Kosovës nuk foli drejtpërdrejt. Megjithatë duke dhënë vlerësimet e saj për Forumin e Prespës, tha se është punë fantastike për shkak se të rikujton një Marrëveshje që ka ardhur pas një dialogu të vështirë e kompleks.
“Dialog i cili na rikujton të gjithëve ne, çdo vit, se dialogu ka rëndësi! Ka rëndisë dhe vetëm përmes dialogut mund të arrish një kompromis, ta lësh të kaluarën në të kaluarën dhe të kthehesh drejt së ardhmes”, theksoi kryeministrja e Serbisë, Ana Bërnabiq.
Bërnabiq u shpreh se Serbia, si të gjitha shtete e rajonit, është pro integrimit në BE, por të njëjtin qëndrim nuk e ndan edhe për NATO-n, ndaj së cilës ka qëndrim neutral. E këtë fakt nuk la pa e përmendur kryeministri i Kosovës, Albin Kurti gjatë fjalës së tij, ku mes tjerash foli edhe për Mini-shengenin.
“Është një nismë e cila nuk ka asnjë vizion për rajonin, dhe Republika e Kosovës fuqishëm e refuzon dhe nxit të gjithë për përkushtim në agjendën e BE-së dhe marrëdhënie transatlantike. Pakënaqësia nga BE-ja nuk duhet të instrumentalizohet nga shtete që nuk e duan NATO-n ose favorizon federatën ruse”, u shpreh kryeministri i Kosovës, Albin Kurti.
Në panelin e quajtur “Rivendosja e sinergjisë BE-ShBA ndaj Ballkanit Perëndimor” gjithashtu folën edhe kryetari i këshillit të Ministrave të Bosnjë dhe Hercegovinës, Zoran Tegeltija, kryediplomati austriak Aleksandar Shallenberg, i cilia tha se vendet e Ballkanit Perëndimor nuk duhet të presin anëtarësimin në BE sepse kanë shumë gjëra që mund t’i bëjnë së bashku.