Presidenti dhe liderët partiak uruan Vitin e Ri! Opozita as sot nuk e la pa e kritikuar pushtetin

“Të nderuar qytetarë, 2020 ishte viti më i rëndë që nga pavarësimi i vendit.E kemi kaluar me një tension të vazhdueshëm, në mesë frikës dhe shpresës.Kishim frikë për shëndetin tonë, ishim të brengosur edhe për ekonominë, si dhe për vendet e punës”, tha Stevo Pendarovski, president.

“Jemi në fund të një viti që po lëmë pas, të cilin e kemi shënuar me çështje aq të bukura, por për fat të keq edhe me çështje aq të zymta për të gjithë ne”, theksoi Talat Xhaferi, kryeparlamentar.

“Të gjithë bashkë u siguruam se kemi sistem stabil shëndetësor i cili punon pa pengesa. Sakrifica e punonjësve shëndetësor është e madhe, të cilët edhe gjatë këtyre festave janë në vendet e punës, në spitale dhe luftojnë për çdo jetë”, tha Zoran Zaev, kryeministër.

“Duhet ndryshime dhe ndryshimet do të vijnë me vitin e ardhshëm.Fuqia është tek populli, vetë jemi krijues të ardhmërisë tonë sepse ne qytetarët ëndërrojmë, shpresojmë dhe veprojmë, ne nuk dorëzohemi, ne do të fitojmë”, deklaroi, Hristijan Mickoski Kryetar i VMRO-DPMN-së.

“Megjithatë, në gjithë vështirësinë e vet, koha e pandemisë na dëshmoi më së miri që të gjithë thithim të njëjtin ajër, të gjithëve na ngroh i njëjti diell dhe se vetëm të bashkuar e të barabartë mund të ngadhënjejmë”, tha Ali Ahmeti, lider i BDI-së.

“Akoma janë me dhjetëra mijëra qytetarë nuk kanë shtetësi.Vetoja bullgare ishte një rezultat i jo serioziteti i skajshëm të Qeverisë dhe të kryeministrit të vendit i cili sillet jo serioz ndaj marrëveshjes të fqinjësisë të cilët i nënshkruan me vendet fqinjë”, tha Ziadin Sela, kryetar i ASH-së.

“Viti 2020 ishte një vit i sfidave, edhe për Lëvizjen Besa.Pra në vitin 2020 Lëvizja Besa bëri një hap të guximshëm me një koalicion parazgjedhorë koalicion i cili që Republika e Maqedonisë së Veriut të vazhdoj fuqishëm rrugëtimin e saj drejt NATO-s dhe Bashkimit Evropian” deklaroi Bilall Kasami, lider i Lëvizjes Besa.

“Ndërsa motet po ndërrohen, uroj që Viti i Ri për juve dhe familjet tuaja të sjellë normalitetin e shumëpritur, gëzime dhe arritje të reja e që të na mundësojë të gjithëve mbarësi dhe suksese”, tha Menduh Thaçi, kryetar i PDSH-së.