Boksieri shqiptar Kristian Prenga ka reaguar pas duelit spektakolar ndaj Anthony Joshuas në Jeddah, ku për pak shkroi historinë.
Prenga e dërgoi dy herë në tapet ish-kampionin e botës në raundin e parë, por u mposht me nokaut në raundin e dytë.
Në një postim emocionues në profilin e tij, Prenga shkruan:
“Të ndaja ringun me një kampion si Anthony Joshua ishte një eksperiencë shumë e rëndësishme. Respekt maksimal për të dhe për fitoren.”
Ai flet për momentin ku e pa fitoren afër:
“Raundi i parë me tregoi se mund të përballemi me më të mirët, por në këtë nivel një sekondë ta ndryshon fatin.”
Dhe jep mesazhin inspirues pas humbjes:
“Humbja të detyron të shihesh në pasqyrë dhe të mësosh atë që fitorja ta fsheh. Kjo ndeshje nuk më thyen. Do ta përdor këtë eksperiencë për t’u rikthyer shumë më i fortë.”
Në fund, boksieri shqiptar ka një mesazh për të gjithë shqiptarët:
“Ndjekësve të mi shqiptarë u kërkoj ndjesë që nuk ju solla fitoren, faleminderit Zotit për çdo gjë! Zoti i bekoftë shqiptarët!”
Me këtë humbje, rekordi i Kristian Prengës shkon në 22 fitore me 20 nokaut dhe 2 humbje në boksin profesionist.
Përkundër epilogut, boksieri shqiptar tregoi se i përket nivelit elitë, duke qenë i pari që dërgoi dy herë në tapet Anthony Joshuan në një raund.