Posta e Maqedonisë e zgjodhi Halk Bankën për bashkëpunim për operacionet pagesore. Pas dy muajsh qytetarët do të kenë mundësi të paguajnë faturat në postë, paralajmëroi drejtori i Postave, Jani Makraduli. Nuk tregoi saktë me numër se sa banka kanë qenë të interesuar për të bashkëpunuar, por tha se oferta e Halk ishte dukshëm më e mirë.
“71% nga i gjithë fitimi që do të bëhet nga të gjitha aktivitetet do të mbeten në Posta, ndërsa 29% do të jenë për Halk Bankën”, theksoi Jani Makraduli, drejtor gjeneral i Postës.
Përfitimet që ka posta me këto përqindje janë shumë më të mira se ato që kishte nga bashkëpunimi me Eurostandardin, u shpreh Makraduli, i cili iu shmang pyetjes rreth idesë së Qeverisë për privatizimin e Postës ose funksionimin me partneritet publik-privat.
“Në procesin e interesimit, për atë ka grup pune në kuadër të Qeverisë, por në këtë moment detyra dhe prioriteti ynë është se si ta stabilizojmë financiarisht kompaninë”, deklaroi Jani Makraduli, drejtor gjeneral i Postës.
Marrëveshja mes Postës dhe Halk Bankës është 15 vjeçare. Drejtori ekzekutiv i Bankës, Bilall Suxhubash, pret bashkëpunim të frytshëm, por njëjtë si Makraduli, as ky nuk ishte konkret në përgjigjen se çfarë nëse Posta privatizohet.
“Ne gjatë përgatitjes së ofertës sonë i kemi përcaktuar kushtet tona në konsultim me menaxhmentin e Postave të Maqedonisë”, deklaroi Bilall Suxhubashi, drejtor ekzekutiv “Halk Bank”.
Makraduli tha se ka klauzolë mbrojtëse për të dyja palët. Nuk pret që ndonjë investitor hipotetik që mund ta marrte Postën, njëanshëm ta prishë marrëveshjen me Halk Bankën.
“Të keni 300 pika nëpër Maqedoni ku mund të kryeni operacione pagesore, këtë nuk e ka asnjë bankë në shtet andaj mendoj se kjo do të jetë përparësi dhe motiv për ndonjë investitor potencial, jo ta prishë por t’i përdorë përfitimet e një marrëdhënieje partneriteti”, tha Jani Makraduli, drejtor gjeneral i Postës.
Makraduli pret stabilizim financiar të Postës, sidomos pas përkeqësimit që ndodhi me falimentimin Bankës Eurostandard, gjë që paralizoi gjithë sistemin e pagesave përmes postës. Halk Bank ka 9 vite që vepron në Maqedoni. Aksionet e saj dominate i përkasit Halk Bankës në Turqi.