Politikanë e shkencëtarë botërorë me kritika ndaj Kinës për fshehjen e rrjedhës së pandemisë

TË FUNDIT

Më shumë se 100 politikanë, shkencëtarë dhe aktivistë nga Evropa, Australia dhe SHBA kanë nënshkruar letër të hapur duke kritikuar Partinë Komuniste të Kinës për fshehjen e zgjerimit të pandemisë me koronavirusin e ri në Vuhan.

Letra, e botuar sot në “Hong Kong Fri Pres”(Hong Kong Free Press), tregonte për kulturën e frikës, me çka janë fshehur informacionet kryesore për luftën kundër Kovid-19.

Nënshkruesit e letrës, përfshirë deputetët, anëtarët e Organizatave jo qeveritare dhe profesorët universitar, theksuan se “burimi i pandemisë është në fshehjen e autoriteteve komuniste në Vuhan, në provincën Hubei”.

Ata theksuan se heshtja e “informatorëve” ka kontribuar drejtpërdrejtë në përhapjen e pandemisë. Nënshkruesit e theksojnë rastin e mjekut Li Venliang i cili vdiq nga pasojat e koronavirusi të ri.

“Pandemia globale na ka detyruar të përballemi me të vërtetën e dhimbshme, duke politizuar të gjitha aspektet e jetës, përfshirë shëndetin e njeriut, qeveria autokratike e njëhershme një-partiake në Republikën Popullore të Kinës ka vënë në rrezik të gjithë”, theksohet në letrën e hapur.

Nënshkruesit vlerësuan individë që kritikonin Partinë Komuniste të Kinës, përfshirë gazetarët, disa prej të cilëve kanë humbur ose janë në arrest shtëpiak.

Në fillim të muajit prill, më shumë se 100 shkencëtarë kinezë nënshkruan letër të hapur që synon për “numrin e madh të zërave kritikë që politizojnë pandeminë me Kovid-19”. Shkencëtarët afër qeverisë kineze pohojnë se burimi i saktë i virusit është “i parëndësishëm” dhe se përqendrimi në origjinën e Kovid-19 është “drejtimi i gishtave dhe politizimi”./MIA

error: Content is protected !!