Policia e Kosovës tha se “grupet kriminale” që kanë bllokuar disa rrugë në veri të Kosovës, në tri raste kanë shtënë me armë zjarri kundër njësiteve policore në rrugën që të çon në pikën kufitare Bërnjak, e cila lidh Kosovën me Serbinë.
Përmes një komunikate për media, Policia tha se zyrtarët policorë u janë përgjigjur këtyre sulmeve, po ashtu me armë zjarri, dhe sulmuesit më pas janë larguar në drejtim të panjohur.
“Deri më tani nuk ka ndonjë informacion zyrtar për ndonjë person të lënduar apo dëme të mundshme të shkaktuara”, u tha në njoftim.