Policë me “emblema të njollosura”! “Luftë me policët e korruptuar në burgje”

Të gjithë policët e burgut që u mundësojnë të burgosurve qasje deri te telefonat dhe mjete të tjera të rrezikshme, do të kapen dhe do të sanksionohen rreptë, paralajmëroi drejtori i Drejtorisë për zbatim të sanksioneve, Aleksandar Pandov. Në njësitë e burgjeve në mënyrë intensive bëhen kontrolle pas rastit me Vasill Jovanov i cili në bulevardin Partizanska e goditi për vdekje me automjetin e tij Frosina Kullakovën. Ai dy ditë pasi është arrestuar, ka marrë telefon celular. Në kontrollin e parë në pjesën për paraburgim në Shutkë janë gjetur 70 telefona, gjatë kontrollit të dytë pas dy ditëve janë gjetur 30 telefona ndërsa dje po ashtu në Shutkë por në një repart tjetër janë gjetur mbi 30 telefona. Pandov thotë se hapet luftë me policët e korruptuar të cilët e njollosin sistemin e burgjeve dhe nuk duhet të mbajnë uniformë.

“Në këtë luftë kundër policëve me emblema të njollosura nuk do të lëshoj pe. Të gjithë ata duhet të dinë se do të kapen dhe jo se do të largohen nga puna me masë disiplinore por kundër tyre do të ketë kallëzime në Prokurori dhe do të procedohen dhe unë shpresoj se do të dënohen”, tha Aleksandar Pandov.

Pandov njoftoi se me Fondin shëndetësor kanë arritur marrëveshje që të burgosurit të kenë sigurim shëndetësor. Drejtoria deri më tani është ballafaquar me fatura të larta nga Klinikat kur të burgosurit ishin dërguar për trajtim spitalor.

“Ta tejkalojmë këtë problem dhe kur të dërgohen personat e dënuar në institucionet shëndetësore, dhe të cilët trajtohen, të jenë të siguruar dhe të kenë sigurim shëndetësor me çka ne më pas si Drejtori nuk do të marrim fatura nga Klinika apo shtëpitë e shëndetit”, tha Pandov.

Ndërkohë përmes digjitalizimi do të eliminohet nevoja që burgjet të kryejnë regjistrime manuale, ndërsa Drejtoria do të ketë qasje direkte në bazën e fondit për pagesën e sigurimit shëndetësor të të burgosurve.

“Jemi duke e digjitalizuar procedurën, burgjet nuk do të kenë nevojë të shkojnë në sportelet e shërbimeve rajonale dhe të bëjnë regjistrim dhe çregjistrim të të burgosurve, ndërsa Drejtoria do të ketë qasje në bazën e fondit në lidhje me atë se për sa të burgosur duhet të paguajnë sigurim shëndetësor”, tha Sasho Klekovski.

Nga Drejtoria kërkojnë në burgjet të zgjerohen ambulantët spitalore dhe të punësohen më shumë mjekë, por tani për tani ende nuk është caktuar metoda sipas së cilës do të stimulohen që ta pranojnë punën në këto institucione.