Trajneri i Pari Sen-Zhermen, Maurisio Poketino e ka komentuar fitoren e mbrëmshme (2:1) në ndeshjen për Superkupën e Francës kundër Marsejës. Trofeu i fituar në Lens ishte i pari për argjentinasin si udhëheqës i klubit parisien.
“Ne shënuam fitore shumë të rëndësishme. Trofeu është nder për klubin dhe tifozët. Ekipi ngadalë po fillon ta bëjë atë që e kërkoj nga ai. Unë trajnoj me PSZH-në gati dy javë, punojmë shumë. Ky është vetëm fillimi. Ne besojmë se me kalimin e kohës do të munde t’i përforcojmë idetë dhe përparimin tonë. Duam ta falënderojmë drejtorinë e klubit, futbollistët dhe paraardhësin tim, Tomas Tuhel, së bashku me shtabin e tij trajnues. Falë këtyre njerëzve, patëm shansin ta fitojmë Superkupën”, deklaroi Poketino për “Kanal+”.
Superkupa e Francës ishte trofeu i parë zyrtar në karrierën e Poketinos.
Para kësaj, strategu argjentinas fitoi në Kupën miqësore Audi në vitin 2019 derisa ishte trajner i Totenhemit.