Përplasje Meta-Rama për detin me Greqinë

Çështja e detit me Greqinë sjell përplasje të forta në Shqipëri mes Presidentit Meta dhe kryeministrit Rama

Në Shqipëri ka nisur përsëri përplasja mes Presidentit të Republikës Ilir Meta dhe kryeministrit Edi Rama. Shkak këtë herë është bërë zyrtarizimi i zgjerimit të Greqisë me 12 milje në detin Jon. Kreu i shtetit, thotë se që prej vitit 2018, kur ka autorizuar plotufuqinë të ekipit negociator, ka ofruar bashkëpunim.

Presidenti Meta shprehet se deri tani ka  asnjë njoftim apo kërkesë zyrtare, që të sugjerojë ndërprerjen, pezullimin apo përfundimin e procesit të negociatave dypalëshe, nga ekipi negociator apo nga qeveria shqiptare.

Po ashtu Kreu i Shtetit thote se “Për çdo zhvillim, që lidhet drejtpërdrejt apo ndikon në procesin e negociatave për delimitimin e hapësirës detare ndërmjet dy vendeve, kam kërkuar informacion shterues dhe analizë të plotë të qeverisë shqiptare, sipas përgjegjësive, që i takojnë sipas ligjit.”

Meta siguron qytetarët shqiptarë se nuk do të lejoj për asnjë moment të cenohen interesat shtetërore.

I siguroj të gjithë qytetarët shqiptarë se do të vijoj të ushtroj me përgjegjësinë maksimale shtetërore dhe kushtetuese detyrat e mia dhe se nuk do të lejoj për asnjë moment të cenohen interesat shtetërore dhe kombëtare të Republikës së Shqipërisë nga cilido individ, që keqpërdor autoritetin e deleguar nga populli shqiptar.

Por menjëherë ka reaguar kryeministri Edi Rama duke ju kundërpërgjigjur Presidentit Meta .

Rama thekson se “Shqipëria dhe Greqia nuk kanë arritur asnjë marrëveshje e prandaj do shkojnë në gjyq!”

 “Vendimi në fjalë i Greqisë s’ka lidhje me zonën e kontestuar mes dy vendeve tona, sepse në atë zonë parimi i 12 miljeve është thjesht fizikisht i pamundur sipas Konventës aty ku ky parim nuk është e mundur të zbatohet, ose bëhet marrëveshje ose shkohet në gjykatë!” shprehet ndër të tjera Rama.

Më tej kryeministri thekson se Rama thekson se “Shqipëria dhe Greqia nuk kanë arritur asnjë marrëveshje e prandaj do shkojnë në gjyq!”

Ai sqaron se “Vendimi në fjalë i Greqisë s’ka lidhje me zonën e kontestuar mes dy vendeve tona, sepse në atë zonë parimi i 12 miljeve është thjesht fizikisht i pamundur sipas Konventës aty ku ky parim nuk është e mundur të zbatohet, ose bëhet marrëveshje ose shkohet në gjykatë!”

Duket se debati mes Presidentit dhe kryeministrit në Shqipëri do të vazhdojë ende për cështjen e detit me Greqinë.

Nertil Agaliu