Përleshje të armatosura në mbarë Afganistanin

Në përleshjet mes armatës dhe talebanëve në Afganistan në 24 orët e fundit e kanë humbur jetën rreth dhjetë persona, kumtuan autoritetet në Kabul, ndërsa SHBA-ja tenton të ndërmjetësojë në negociatat paqësore.

Në sulmin e mbrëmshëm të talebanëve ndaj pikës kontrolluese në afërsi të minierës për bakër në provincën Logar e kanë humbur jetën tetë pjesëtarë të forcave afgane të sigurisë.

Talebanët sulmuan edhe disa pika kontrolluese në provincën Sar e Pull, ku e humbën jetën 11, ndërsa u plagosur 19 ushtarë.

Ministria afgane e Punëve të Brendshme kumtoi se në operacionin në provincën Logar janë vrarë 20 talebanë.

Në përleshjet në provincën Kandahar e kanë humbur jetën katër pjesëtarë të forcave të sigurisë dhe 31 talebanë, ndërsa në provincën Gazni gjatë një shpërthimi e kanë humbur jetën katër civilë./MIA