Përleshje në Jerusalem, 9 të plagosur

TË FUNDIT

Dhjetë palestinezë u arrestuan sot pas përplasjeve me policinë izraelite në Sheshin Temen në Jerusalemin Lindor, gjatë të cilave nëntë njerëz u plagosën.

Rreth 1000 palestinezë u mblodhën pas lutjeve të së premtes në shesh, vendi i tretë më i shenjtë për myslimanët dhe më i shenjti për hebrenjtë. Disa po mbanin flamuj palestinezë dhe bërtisnin “Zoti është i madh”, tha një reporter i Agjencisë Franceze në vendin e ngjarjes.

Protestuesit hodhën gurë drejt policisë që ruante hyrjet në Sheshin Temenos. “Dhjetëra të rinj prishën rendin dhe hodhën gurë” ndaj policisë, tha policia në një deklaratë, duke shtuar se ishin bërë dhjetë arrestime.